Leonardo Bonucci rezulton pozitiv me Covid-19

16:20 | 1 Prill 2021
Arditë Shkodra

Leonardo Bonucci është infektuar me koronavirus vetëm pak ditë pasi bashkëlojtari i tij turk Merih Demiral doli pozitiv, njofton Juventusi.

Juventusi njofton se Leonardo Bonucci ka dalë pozitiv në testin për COVID-19, transmeton Gazeta Express.

Mbrojtësi i Juventusit u kthye në Torino nga detyra me Kombëtaren e Italisë dhe Federata e Futbollit e Italisë njoftoi mbrëmë se katër anëtarë të saj kishin dalë pozitivë në testin për COVID-19.

“Leonardo Bonucci, pasi u kthye nga grumbullimi me ekipin kombëtar italian, mëngjesin e sotëm e bëri testin për COVID-19 dhe rezultati doli pozitiv”, njoftoi Juventusi.

“Lojtari është vetizoluar në shtëpi”.

Trajneri Andrea Pirlo do të mbetet me mungesë opsionesh në mbrojtje për derbin e Torinos të dielën, pasi edhe Merih Demiral është i infektuar me koronavirus.

Shpërndaje në rrjete sociale

Lajmet më të lexuara

Të ngjashme

Foto lajm